Të gjithë janë duke pritur me kërshëri dhe interes për të parë “Arenën Kombëtare” në kryeqytet. Ky stadium do të jetë gati për ndeshjet që Kombëtarja do të zhvillojë në muajin nëntor.
Por përpara këtyre ndeshjeve, do të ketë edhe një përballje prove. Aty do të jetë edhe inagurimi i parë i vërtet, ndërsa të ftuar janë delegatët e UEFA-s që do të vlerësojnë stadiumin. Flitet për ndeshjen mes Vllaznisë dhe Apolonisë për femra. Një shenjë e qartë kjo se FSHF po i kushton shumë mbështetje dhe vëmendje edhe futbollit të femrave, tërësisht e merituar, pas atij suksesi të madh që arritën lojtaret shkodrane në “Champions League”. /Sport Ekspres/