Daniel Carriço i ka dhënë fund aventurës së tij me Seviljën pas 6 sezonesh e gjysmë. Një kohë e gjatë kjo për mbrojtësin 31-vjeçar, që ka kaluar te një skuadër më pak e njohur për futbollin, por emër shumë i dëgjuar në këto kohë.
Bëhet fjalë për Ëuhan, vendin ku shpërtheu Koronavirusi në fillim në Kinë. Skuadra e këtij vendi do të shkonte menjëherë në Spanjë për të shpëtuar nga infektimi dhe për t’u përgatitur atje. Ndërkohë Carriço do të udhëtojë sërish me skuadrën e Wuhan Zall, për t’u larguar nga Spanja.
“Kina sot është më e sigurt se Evropa. Problemi tani është këtu në Evropë dhe atje është zhdukur praktikisht. Ne po stërviteshim në Marbella duke pritur që alarmi i koronavirusit të zhdukej plotësisht në Ëuhan para se të ktheheshim me qetësi dhe të rifillonim rutinën në mënyrë progresive. Në Kinë situata aktuale është sigurisht më pak shqetësuese sesa në pjesën tjetër të botës.
Në fillim u hezitova pak, nuk mund ta mohoj. Nuk ishte vërtet e qartë se çfarë ishte Covid-19, vetëm se kishte një virus të ri në Kinë. Unë u informova për disa ditë, klubi më siguroi dhe siguroi që të mos ktheheshim në Ëuhan derisa të mbaronte gjendja e jashtëzakonshme. Është e vërtetë që problemi tani është përhapur në të gjithë botën, por në Kinë gjërat janë shumë më të mira. Në Ëuhan ka më pak dhe më pak pacientë dhe pak raste të reja”, ka thënë Carriço. /Sport Ekspres/