Tirana do të luajë ndaj Vllaznisë, në klasiken e ditës së premte që do të hapi edhe javën e 21 të Superiores. Një përballje kjo që pritet të shihet me shumë kureshtje, duke ditur rivalitetin mes tifozerive.
Sportdashësit shkodran do ta mbushin stadiumin në pjesën më të madhe, por nga ana tjetër nuk mund të mungojnë në këtë transfertë edhe tifozët bardheblu. Nëpërmjet një postimi në “Facebook”, mbështetësit e Tiranës shkruajnë se prezenca kundër Vllaznisë është detyrim për të dhënë spektakël dhe për të marrë tre pikët e radhës. /Sport Ekspres/