Ndërsa kanë mbetur edhe pak minuta nga përballja mes Tiranës dhe Partizanit, ka nisur edhe incidenti i parë. Teksa lojtarët ishin duke bërë nxehmjen, tifozeritë e të dyja ekipeve janë përplasur me njëra-tjetrën.
Nga kjo përplasje ka pasur edhe të dëmtuar nga sendet e forta, ndërsa ka ndërhyrë edhe policia për të marrë situatën në kontroll. Megjithatë vështirësia ishte e madhe për të qetësuar gjithçka, pasi u kapën të papërgatitur. Shumë tifozë janë arrestuar, ndërsa derbi nuk zhvillohet derisa policia të ketë kontrollin e plotë mbi gjendjen. Menjëherë pas gjithë kësaj, Andi Lila ka dhënë edhe një intervistë për “Supersport”, ku mes të tjerash ka theksuar:
“Këto janë emocionet e derbit dhe ndodh në të gjithë botën një gjë e ngjashme, jo vetëm në Shqipëri. Ajo që mund të them unë ështe se Partizani ka frikën e Tiranës, pasi jemi në formë shumë të mirë”, ka thënë Lila. /Sport Ekspres/