Një lajm i fundit mbërrin nga Italia, atje ku është shtyrë edhe ndeshja mes Romës dhe Seviljës. Skuadra italiane do ta luante këtë përballje në transfertë, atje ku do të ndeshej përballë ekipit të njohur të La Ligas.
Por në Spanjë kanë marrë masat dhe kanë ndaluar këtë fluturim menjëherë, që skuadra e Romës do të mos zbriste për të luajtur takimin e “Europa League”. Pikërisht për shkakun e mos autorizimit nga autoritetet spanjolle, që nuk mund të bëjnë përjashtime as për futbollistët, megjithëse klubet kanë mjekët e tyre dhe i ndjekin rastet hap pas hapi. Kjo sjellë telashe edhe për Shqipërinë, për miqësoren që është programuar ndaj Sllovenisë. Në Itali ndodhen shumë lojtarë të Kombëtares dhe do të jetë një problem më vete që ata të dalin nga territori dhe të grumbullohen me Shqipërinë për këtë takim që do të luhet në Slloveni. /Sport Ekspres/