Një dyndje e madhe tifozësh është në “Air Albania”, që presin të hyjnë në stadium për të parë nga afër Tirana-Partizani. Sipas shifrave të përmendura më herët, pritet që sot të jenë rreth 20.000 të pranishëm për të përjetuar emocionet në kryeqytet.
Ndërkohë “Sport Ekspres” siguron edhe foton e minutave të fundit, ku shihet një numër i lartë tifozësh që presin për të futur në stadiumin e ri të Shqipërisë. Gjithashtu nuk janë shmangur as nervozizmi, me mbështetësit e Tiranës që nuk mund të presin më gjatë procedurat, por kërkojnë të futen në “Air Albania” menjëherë. /Sport Ekspres/