Shqipëria U-21 do të ketë një përballje të veçantë në kualifikueset e Europianit, pasi do të ndeshet me Kosovën U-21. Një takim vëllazëror ky, por mes ekipeve që kërkojnë tre pikët për të qenë në objektivat e tyre të renditjes.
Ndërkohë vetëm pak minuta më parë është mësuar edhe lajmi i dy lojtarëve që nuk do të grumbullohen me Shpresat. Bëhet fjalë për sulmuesit, Xhakomo Vrioni dhe Agim Zeka. Këta të fundit ishin pjesë e listës së Bushit, por për shkak të dëmtimeve që kanë marrë në kampionatet e tyre, nuk do të luajnë kundër dardanëve. Gjithashtu njoftohet se nuk do të merren lojtarë të tjerë për t’i zëvendësuar. /Sport Ekspres/