Armand Duka ishte i ftuar në emisionin “Studio Sport“ në “Vizion Plus“, ku ka dhënë një intervistë të gjatë në lidhje me futbollin shqiptar përgjatë vitit 2022. Presidenti i FSHF-së ka treguar edhe modelin që i pëlqen nga lojtarët e Kombëtares. Sipas tij, Abrashi është shembulli më i mirë se si mund të japësh maksimumin për skuadrën.
“Modeli që më pëlqen mua është modeli Abrashi. Jep gjithçka në fushë. Për aq minuta sa është i konsumon të gjitha. Ky lloj modeli më pëlqen. Ata që janë talente, ia ka dhënë Zoti. Kurse ky është rasti që jep njeriu maksimalisht dhe e dua dhe e respektoj“, ka thënë Armand Duka./Halit Delibashi-Sport Ekspres/