“E dimë që nuk është mendja te futbolli”! Reagon edhe Vllaznia: Lojtarët duhet të mbajnë familjet

Mbi situatën e fundit në vend për shkakun e Koronavirusit dhe vështirësisë ekonomike që po kalojnë klubet, ka reaguar edhe Vllaznia. Duke qenë të ndërgjegjshme për gjithçka po ndodh, shkodranët i bashkohen jehonës së të gjithë aktorëve të tjerë të futbollit në vend, mes shumë klubeve që po kërkojnë mbështetjen nga shteti. Ashtu si ndodhi edhe në Kosovë, ku menjëherë u akordua fondi prej 5 milionë eurove që do të vijnë edhe në mbështetje të sportit. /Sport Ekspres/

DEKLARATË E KLUBIT TË FUTBOLLIT “VLLAZNIA”

Prej tre javësh vendi ynë ndodhet në një situatë të pazakontë, e ardhur kjo nga pandemia që e ka pushtuar atë dhe mbarë Botën. Në kushte të tilla kuptohet që askush nuk e ka mendjen tek sporti, por në rradhë të parë tek rikthimi i normalitetit të jetës. Por nga ana tjetër, duhet të mendojmë edhe për vazhdimësinë, por konstatojmë se pasojat e kësaj ndërprerje do të jenë të mëdha. Ashtu si në mbarë botën sportive, edhe tek ne një gjë e tillë ka filluar të ndihet dhe sidomos tek klubet e futbolli, përfshi këtu edhe KF Vllazninë. Edhe për ne, është shumë e vështirë që të likujdohen detyrimet financiare mujor, sigurimet shoqërore, tatimi në burim dhe tatimi mbi fitimin, të cilat janë shifra jo të pakta në vlera. Nga ana tjetër, futbollistët kanë filluar me të drejtë të kërkojnë rrogat sepse duan të mbajnë familjet e tyre ngaqë e kanë atë mjetin e vetëm të të ardhurave. Në këto kushte, jemi të bindur se futbolli ka nevojë për mbështetjen e shtetit. Qeveria duhet të garantojë që futbolli të mos dalë tërësisht i dëmtuar nga kjo situatë. Dëmi që po shkaktohet nga ndalimi i çdo eventi, grumbullimi dhe stërvitje, është shkatërrues për sportin. Kosova dhe vende të tjera kanë marrë ndërkohë masat për mbështetjen e sportit dhe besojmë se këtë gjë duhet ta bëjë edhe Qeveria jonë. Mbetemi me shpresën që kjo kërkesë e jona të merret parasysh duke shpresuar njëkohësish në normalizimin sa më të shpejtë të situatës dhe rikthimin e normalitetit në jetën e shqiptarëve por njëkohësisht edhe në sport.

Klubi i Futbollit “VLLAZNIA”

 

where can i buy doxycycline over the counter buy doxycycline online