Një situatë e çuditshme po ndodh te FC Sion, atje ku luan edhe Baloteli. Zviceranët kanë njoftuar për një pushim të veçantë të trajnerit. Për shkak të rezultateve të dobëta dhe mungesës së fitores që nga tetori, ishte koha për një shkundje.
Klubi ka treguar nëpërmjet njoftimit si i kanë dhënë një javë pushim trajnerit Fabio Celestini për të reflektuar gjatë kësaj periudhe. Ndërkohë në ndeshjen e radhës, në stolin e trajnerit do të ulet presidenti i klubit, Christian Constantin. Kur ndeshja me Luganon të mbyllet, trajneri Celestini do të kthehet sërish në krye të ekipit. /Sport Ekspres/