Një deklaratë tronditëse ka ardhur për presidentin e Barcelonës, Joan Laportan. Gazetari spanjoll, Salvador Sostres, ka hedhur disa akuza që kalonin çdo imagjinatë. Fillimisht vendos në dyshim ligjshmërinë e marrëveshjes që përfshin Robert Lewandoski.
“Kur bëhet fjalë për Barcelonën, mos mendoni se transferimet e bëra nga miqtë apo familjarët nuk lënë gjurmë. Unë njoh dy gazetarë që po hetojnë se ku shkuan 10 milionë euro nga komisioni për transferimin e Lewandowskit. Të gjithë mund të shtojnë 9+1 është 10”, shkroi gazetari.
Por më shumë sesa rasti Lewandowski, gazetari spanjoll i ABC shpreh sigurinë se Laporta ka varësi nga lëndët narkotike. “Më vjen keq kur e pashë Laportën të rrëmbyer nga demonët. Gjatë ndeshjes kundër Real Madrid, Laporta shkonte shpesh në tualet ku merrte substanca. Zhurmat që bënte atje ndiheshin dhe maskonte gjendjen me disa pika sysh. Atë e pret ndërrimi i jetës nëse vazhdon kështu”, shkruan gazetari. /Sport Ekspres/