Brazili nuk ia arriti që të fitonte Botërorin. Pavarësisht se për shumëkënd kishte ekipin më të mirë të këtij kompeticioni, sërish kjo Kombëtare dështoi që në fazën çerekfinale. Këtë herë do të mundej nga Kroacia me vetëm një gjuajtje në portë për 120 minuta. Tite mori përgjegjësitë dhe u largua, ndërsa te Brazili po mendojnë për trajnerin e ri.
Sipas raportimit të mediave, ëndrra më e madhe ngelet ajo e Pep Guardiolës. Misioni është më shumë se i vështirë duke ditur se ky trajner kërkon të jetë protagonist në çdo javë në arenën e futbollit dhe nuk dëshiron të marrë Kombëtare. Por çfarë nuk blihet me pak para, blihet me shumë para, te Brazili po tentojnë formulën e vetme që i sjell Guardiolën. /Sport Ekspres/