Sot janë luajtur katër sfida të kampionati Ipko Superliga në Kosovë, pas barazimit në sfidën hapëse të ditës së djeshme mes Ferronikelit dhe Trepça ’89 (1-1).
Ajo që bie në sy është fitorja e thellë dhe spektakli i dhuruar nga Drita e Gjilanit, kampionia në fuqi, që ka shënuar pesë herë në portën e KEK-ut, me dopietën e Endrit Krasniqit dhe Haxhimusës, teksa ka realizuar edhe Gërbeshi…
Sakaq, surpriza dhe zhgënjimi mban emrin e Lirisë së Prizrenit, që ka humbur në shtëpi përballë debutuesve të Ballkanit, e cila gjeti golin në minutën e katërt shtesë të ndeshjes, me kokë (Manevski).
Humbje në shtëpi edhe për Llapin ndaj Drenicës, teksa Flamurtari i Prishtinës ka fituar me një gol të Shillovës përballë Ferizajt.