Një mbledhje e dytë është bërë mes presidentit të Tiranës Refik Halili dhe trajnerit Ardian Mema. Menjëherë pas gjithë asaj zhurme që u bë vetëm pak ditë më parë, këtë herë duket se nuk ka të njëjtin përfundim.
Megjithëse mungon ende konfirmimi i klubit, drejtuesi i emisionit “Pressing” te “ABC News”, Gerti Çarçani ka zbuluar edhe prapaskenën. “Sipas burimeve të sigurta që unë kam, Tirana e ka mbyllur me trajnerin Ardian Mema”.
Tashmë pritet vetëm që të zyrtarizohet ky vendim, ndërsa bardheblutë nuk kanë bindur në ndeshjet e fundit. Që pas atyre dy humbjeve radhazi me Kukësin dhe Partizanin, Tirana ndryshoi fytyrën rrënjësisht. /Sport Ekspres/