Ngo ishte një nga lojtarët më të përfolur të Katëgorisë Superiore për sezonin qe lamë pas. 28 vjeçari ishte një nga pikat kyçe të Tiranës, ku me golat dhe asistet e tij i dha padyshim një shtysë të madhe kryeqytetasve për të fituar titullin kampion.
Teksa dukej se Michael Ngo do të përgatitej për fazat e eleminatoreve të kupave të Evropës, anglezi nuk u thirr nga skuadra për ndeshjen ndaj Dinamo Tbilisi, çka shtoi dyshimet se lojtari nuk do të ishte më pjesë e Tiranës. E ardhmja është mësuar prej kohësh teksa është raportuar për kalimin e Ngosë te Menemespori. Por së fundmi mediat turke raportojnë se gjatë ditës së sotme ish-sulmuesi i Tiranës pritet t’i bashkohet në stërvitje ekipit turk dhe është arritur akordi total atje ku luan Domgjoni dhe Selmani, pa pasur asnjë pengesë të vetme. /Sport Ekspres/