Santos ka publikuar listën sa i përket dy ndeshjeve të kualifikueseve të Europianit në muajin mars. Polonia do të udhëtojë në transfertë me Cekinë dhe më pas do të përballet me Shqipërinë në shtëpi. Por çfarë e pret Silvinjon dhe Shqipërinë? Santos nuk bën kompromise dhe kërkon gjashtë pikët që në dy takimet e para.
“Objektivi për ndeshjet me Cekinë dhe Shqipërinë? Janë 6 pikët. Unë nuk luaj kurrë për barazimin. Fjalët e parë që do të shkruaj në tabelë kur të takoj lojtarët është: “Fitore”. Lojtarët e mi kanë karakter, pasion, dedikim dhe aftësi të mira teknike. Janë në nivel të lartë. Ne duhet të kemi topin në zotërim dhe lojtarët polak janë gati për këtë”, tha Santos. /Sport Ekspres/