Chelsea i duhen pikët me patjetër në kampionat, fillimi i sezonit nuk është aspak i mirë për londinezët. Ndeshja e radhës për skuadrën e drejtuar nga ana e Pochetino do të jetë ajo kundër Fulham në transfertë. A do të rrezikojë Chelsea me aktivizimin e Armando Brojës nga minuta e parë?
Sulmuesi shqiptar nuk është ende në 100% e tij, por Pochetino nuk e ka një zgjidhje tjetër. Jackson është i pezulluar për shkak kartonësh dhe aktivizimi i Brojës është mundësia e vetme. Megjithatë sipas mediave britanike ekziston mundësia që Pochetino të luajë me Sterling si një “9” fals. /Sport Ekspres/