Juninho nuk e ka kursyer aspak gjuhën kur ka folur për Rudi Garcia-n. Ish-mesfushori i njohur e ka quajtur trajnerin francez një servil që respekton vetëm të pushtetshmit. Sipas Juninho-s, Garcia do të jetë i gatshëm t’i shërbejë edhe mëngjesin Cristiano Ronaldos.
“Përvoja ime me Rudi Garcia-n ishte e tmerrshme. Është karakteri më i keq që kam njohur ndonjëherë. Ai respekton vetëm njerëzit që kanë pushtet ose nga të cilët mund të përfitojë. Nuk do të guxojë të turpërojë Ronaldon. Përkundrazi, ai madje do t’i shërbejë mëngjesin”, ka thënë Juninho./Halit Delibashi-Sport Ekspres/