Dita e sotme është shpallur festë kombëtare dhe pushim për të gjithë në Panama, me urdhër të presidentit panamez, pas kualifikimit historik të Panamasë për në Kupën e Botës, ku do të marrë pjesë për herë të parë.
Dukej sërish një mirazh, kur Kosta Rika shënoi e para në Panama Siti dhe ndeshja po shkonte 1-1 deri në fund, ndërkohë që duhej patjetër fitorja. Edhe barazimi i Panamasë ishte i mbushur me polemika, sepse pamjet filmike treguan që topi nuk e kishte kaluar vijën fatale.
Megjithatë, arbitri akordoi gol dhe më pas Panamaja ishte e tëra në sulm, derisa 3 minuta para përfundimit mbrojtësi Roman Torres çoi në delir stadiumin Rommel Fernandez, duke shënuar golin më të rëndësishëm të jetës së tij dhe gjithë futbollit panamez.
Whilst the heartbreak of the USA is evident, look at the emotion of Panama as they reached the World Cup with an 87th minute goal. Football. pic.twitter.com/A1nFzNi419
— Adam Joseph (@AdamJosephSport) October 11, 2017
Panamaja e vogël, vetëm 75 mijë kilometra katrorë në rripin e vogël që bashkon dy Amerikat, me një popullsi prej rreth 4 milionë banorësh, ka lënë jashtë Shtetet e Bashkuara të Amerikës, sa për të kuptuar përmasat e asaj që ka realizuar në këto kualifikuese.
Për këtë arsye, presidenti Huan Karlos Varela e ka shpallur ditën e sotme festë kombëtare, për të vazhduar festimet e kualifikimit.
? What it means for Panama to qualify for the World Cup ?? pic.twitter.com/kN1myQivIe
— B/R Football (@brfootball) October 11, 2017
Në Twitter, presidenti ka shkruar: “Zëri i popullit është dëgjuar; festoni këtë ditë historike për Panamanë. E mërkura është ditë feste kombëtare, një ditë historike, ku gjithçka pezullohet, nga punëtorët e deri te shkollat, dhe të gjithë duhet të festojmë”.
¡Celebra Panamá, esta es tu victoria! #RUSIA2018 #VamosPanamá pic.twitter.com/CTXeRLOnXY
— Juan Carlos Varela (@JC_Varela) October 11, 2017