Pamjet tronditëse janë publikuar këtë javë në Amerikë, me një lojtar bejsbolli, Danri Vaskez, i filmuar duke rrahur në mënyrë barbare të dashurën e vet.
24-vjeçari ushtroi dhunë ndaj të dashurës, Fabiana Perez, 21 vjeç, në vitin 2016, por atëherë edhe pse nisën hetimet nga pamjet e filmuara nga kamerat e sigurisë, nuk u mor asnjë masë për shkak se Perez nuk bashkëpunoi me policinë.
Çifti u nda pak muaj më vonë dhe Danri Vaskez u martua, ndërkohë që luante në nivele të larta në MLB, duke firmosur kontrata milionere.
Megjithatë, tashmë videoja e dhunës është publikuar dhe ka tronditur njerëzit, ndaj klubi i tij Lancaster Barnstormers e ka pushuar nga puna dhe venezuelasi nuk do të luajë më bejsboll. Ndërkaq, Fabiana Perez është penduar që nuk bashkëpunoi me policinë.