Modelja argjentinase Wanda Nara prej vitesh është në qendër të vëmendjes në botën e futbollit. Bukuroshja atraktive ishte e martuar me ish-futbollistin Maxi Lopez nga viti 2008 deri në vitin 2013 dhe më pas e tradhtoi sulmuesin me mikun më të mirë, Mauro Icardi.
Që nga ai moment, Wanda është në krahët e Mauros, i cili është gjashtë vjet më i ri. Ajo ka dy fëmijë me të dhe tre me Maxin, ndërsa jeta e tyre është vazhdimisht në qendër të vëmendjes.
Kohët e fundit po përmendet shpesh edhe kriza e madhe e martesës. Mirëpo, të dy e përgënjeshtruan këtë me foto nga pushimet e tyre verore në Ibiza dhe tani është shfaqur një informacion interesant nga e kaluara kur Wanda ishte ende e martuar me Maxi Lopez.
Në emisionin ‘A la Tarde’, Louis Ventura ka prezantuar informacione interesante nga martesa e Wandës me Maxin. Ai pohon se modelja atraktive përfundoi në krahët e Mauros pasi nuk mundi të duronte më mashtrimet e Maxit.
Dyshohet se ish-futbollisti ka sjellë femra të tjera në banesë edhe kur Wanda ka qenë aty. Nuk kishte mëshirë para gruas së tij dhe nuk i fshehu ato. “Ai futi paturpësisht gra të tjera në shtëpi. Ai e dinte që ajo ishte atje dhe e bëri përsëri.
Për shkak të gjithë kësaj martesa e tyre dështoi”, thotë Ventura dhe vazhdon: “Ka dalë me femra të tjera dhe më pas i sillte në shtëpi. Ajo ishte në katin e parë dhe ai do të bënte një org.ji lart me vajzat që kishte sjellë. Kështu më tha ajo personalisht”, theksoi Ventura.
Një natë Wanda nuk e duroi dot. Ajo vendosi të reagojë ashpër.”Jeta e saj me Maxin ishte ferr. Ajo po kalonte shumë dhe askush nuk do të ndihej rehat në atë situatë. Një herë humbi durimin për gjithçka, mori një shkop bejsbolli dhe i shkatërroi makinat”, përfundoi Ventura. /Sport Ekspres/