Pas dy golave kundër Portugalisë, Edinson Kavani është kthyer në një hero kombëtar në Uruguai dhe dëmtimi i tij ndaj luzitanëve ka mbajtur në ankth një popull të tërë.
Sulmuesi i PSG-së nuk është stërvitur ditët e fundit dhe u pa duke çaluar në ditët pas sfidës kundër Portugalisë.
Tani Uruguai ka publikuar një deklaratë për mediat, ku ka bërë të ditur rezultatet e kontrolleve të detajuara mjekësore.
Actualización de la información médica sobre el futbolista Edinson Cavani. pic.twitter.com/h8hunNSsDB
— Selección Uruguaya (@Uruguay) July 3, 2018
Sulmuesi nuk ka këputje muskuli dhe ky është lajm zyrtar tashmë, ndaj prania e tij në ndeshjen e së premten kundër Francës është mëse e mundur, sipas stafit mjekësor.
Gjithsesi, Kavani ka një edemë dhe kjo e ka ndaluar të stërvitet, ndaj trajneri Tabarez mund ta ulë në stol të premten, për të mos rrezikuar.