Një situatë e rrallë ndodhi javën e fundit në Seria A. Juventusi u paraqit në fushë pa kundërshtarin e saj Napolin, i cili ishte i karantinuar totalisht për shkak se disa lojtarë rezultuan me COVID-19. Pavarësisht se napoletanët nuk u lejuan nga autoritetet lokale të udhëtonin drejt Torinos, Federata Italiane së bashku me Juventusin nuk pranuan për një shtyrje të ndeshjes në një datë tjetër.
De Laurentis i dërgoi një letër zyrtare Anjelit për të shtyrë sfidën, por ky i fundit ironozoi këtë fakt duke thënë se i dashuronin rregullat. Përshkak të mos paraqitjes në fushë, italiano jugorët u ndëshkuan me humbjen në tavolinë 0-3.
Për këtë arsye presidenti i Napolit i ka dërguar dhe një letër Ministrisë së Sporteve të shtetit italian, që përmban 8 faqe ku i tregon mbi gjendjen e lojtarëve dhe se nuk kishin asgjë në dorë për të zhvilluar ndeshjen. Pavarësisht se tashmë quhen si humbës të sfidës, në kampin blu ende shpresojnë për një përgjigje pozitive që Juventusi të mos humbi 3-0 në tavolinë. /Elio Hajdari-Sport Ekspres/