Thomas Muller ka thumbuar Lionel Mesin pas ndeshjes së djeshme. Gjermani u shpall lojtari i ndeshjes në fitoren 2-0 të Bayern Munchen ndaj PSG.
“Kundër Messit gjërat gjithmonë shkojnë mirë si rezultat. Në nivel klubesh, Cristiano Ronaldo ishte ai që na shkaktoi probleme kur ishte në Real Madrid.
Megjithatë, futbollisti gjerman shprehu respektin e tij për yllin argjentinas për gjithçka që ka bërë në periudhën e kaluar.
“Kam respekt të madh për Messin për shkak të paraqitjes së tij në Kupën e Botës. Performanca e tij individuale ishte e mrekullueshme, ai mbajti të gjithë ekipin. Nuk është e lehtë të luash për një ekip si PSG. Është e vështirë të gjesh ekuilibrin e duhur në ekip”, tha Thomas Muller. /Elio Hajdari-Sport Ekspres/