Bylisi ka ardhur me një reagim të ashpër pas humbjes së fundit nga Teutës në shifrat 1-0. Ballshiotët kanë një pretendim për një penallti të mohuar nga kryesori i takimit, ndërsa në ndeshjen e fundit ndaj Tiranës kishte gjithashtu polemika për golat e realizuara nga kundërshtari në humbjen e marrë në shifrat 2-1.
E teksa të dyja këto raste janë mbledhur së bashku, klubi ka shpërthyer me një reagim në faqen zyrtare. Atje kërcënohet se krerët e klubit po mendojnë tërheqjen nga kampionati dhe Kupa, nëse nuk do të ketë një vendim për arbitrat që kanë gabuar dhe që të evitohen në të ardhmen. /Sport Ekspres/