Reali i Madridit është “fiksuar” për të transferuar mesfushorin e Lacios, Milinkovic-Savic. Një tjetër gjetje e goditur e Igli Tares, që në 2015 do ta merrte dhe nuhaste nga Belgjika, për shifrën e 15 milionë eurove.
Por sa ofrojnë madrilenët tani për të kryer këtë transferim? Jo pak! Gjigandët spanjollë japin në tryezë 50 milionë euro dhe kartonin e James Rodriguez. Një ofertë shumë tunduese kjo, por që sërish duhet të bindin Igli Taren. Për këtë arsye ky i fundit lavdërohet kaq shumë nga mediat italiane. Drejtori sportiv shqiptar është një burim fitimi për klubin dhe presidenti Lotito fërkon duart, pasi merr futbollistë të panjohur, që më vonë vlejnë shumë herë më tepër nga shifra e paguar për t’i pasur në zotërim. /Sport Ekspres/