Muniz e nisi ndeshjen si titullar edhe kundër Bournemouth, duke lënë sërish Armando Brojën në stol. Goli i tij ndaj Burnley bëri që Muniz të fitonte sërish vendin në 11-shen titullare. Ndërkohë trajneri i Fulham, Silva, u shpreh:
“Unë pata një bisedim me Brojën dje. Ne besojmë shumë te ky futbollist, ai e di se kur je në Premier League, ka konkurrencë. Broja erdhi një ditë para ndeshjes me Burnley, atje ku Muniz shënoi një gol shumë të rëndësishëm. Por Broja ka shumë potencial dhe ne e kemi kërkuar që në verë”, tha Silva. /Sport Ekspres/