Bayern Munchen ka fituar me rezultat të thellë në ndeshjen e Kupës ndaj Bremer. Përballë këtij rivali modest, futbollistët e drejtuar nga Nagelsman arritën që të realizonin 12 gola. Choupo Moting ka realizuar katër gola, ndërsa dopieta erdhi nga Musiala. Rrjeta është tundur gjithashtu edhe nga Tilman, Sane, Sarr, Toliso dhe Cuisance. Ndërkohë lista do të plotësohej me lojtarin e Bremer, Sarr, që shënoi në portën e tij.
Gjigandët gjerman ishin të pamëshirshëm dhe duket se kanë marrë mësim nga sezoni i shkuar. Shuplaka e marrë nuk ishte e lehtë pasi do të eliminoheshin nga Kupa nga Holstein Kiel, që vinte nga një Kategori më poshtë për të shkaktuar “tronditjen” e madhe. /Sport Ekspres/