Bayer Leverkusen po nxiton drejt titullit të parë të kampionatit gjerman në histori. Nëntë javë para fundit, ata kanë 10 pikë epërsi nga Bayern Munich. Por te ekipi i Leverkusen, nuk po e ndjekin më Bayernin dhe rezultatet që këta të fundit po marrin.
Së fundmi, bavarezët fituan me shifrat 8-1. Por portieri i Leverkusen, Lukas Hradecky, theksoi se askujt në skuadrën e tij nuk i intereson se çfarë bën kundërshtari dhe janë fokusuar vetëm te vetja. “A e kemi ndier presionin pas fitores 8-1 të Bayern? Gjysma prej nesh nuk e dinin as rezultatin e asaj ndeshje. Djemtë vijnë bëjnë një punë të shkëlqyer, shkojnë në shtëpi dhe shijojnë jetën. Askush nuk shqetësohet se çfarë ndodh në ndeshjet e klubeve të tjera”, tha Hradecky. /Elio Hajdari-Sport Ekspres/