Sa shumë pritje për të mbërritur në këtë ditë, atje ku Tirana ka fituar me rezultatin 1-2 ndaj Partizanit në “Air Albania”. Një ndeshje që dhuroi gjithçka, mes golave dhe emocioneve të jashtëzakonshme për futbollin shqiptar. Ndërkohë më poshtë mund të gjeni edhe intervistën e Idriz Bathës për “Supersport”, që shënoi golin e parë ndaj “Air Albania” ndaj ish-ekipit.
“Unë ndihem mirë për golin e parë në “Air Albania”. Unë u kam thënë djemve që do jem shqiptari i parë që do shënoj në këtë stadium dhe do thyejmë tersin në derbi. Kjo edhe ndodhi. Ishte ndjenjë e bukur kur shënova, pasi në atë krahë kishim edhe tifozët. Unë e njoh lojën e Torasës dhe sulmova portën, duke tundur rrjetën. Kur shënova të jem i sinqertë nuk i mendova fare tifozët e Partizanit, por i respektoj ata dhe nuk do të flas kundër tyre”, ka thënë Batha. /Sport Ekspres/