Mes Migjen Bashës dhe Ledian Memushajt ka pasur më shumë se një kontakt këto ditë, teksa e ardhmja e mesfushorit nga Vlora është tema kryesore. Basha, që luan te Bari i Fabio Grosos, kampionit të botës me Italinë në vitin 2006, i ka bërë me dije Memushajt, që e ka shok te kombëtarja e Shqipërisë, se duhet të bëjë çmos që të bashkohet me të në “San Nicola”. Megjithatë, pengesë kryesore është skuadra e Beneventos, që nuk ka ndër mend ta shesë.