Baloteli, goli kushtuar Astorit dhe racizmi në sfond

Miqësorja mes Italisë e Arabisë Saudite ishte e veçantë për Roberto Mançinin, i cili debutonte në stolin “axurr”. Ishte e veçantë edhe për Mario Balotelin, i cili u kthye në kombëtare pas një mungese të gjatë dhe shënoi një gol nga ata që vetëm ai di t’i shënojë.

Pas ndeshjes SuperMario kishte një dedikim të veçantë për ish-kapitenin fatkeq të Fiorentinës, Davide Astorin: “E di që është vone dhe je atje… Por jam i bindur se atje lart po e shihje ndeshjen përkrah babait tim. Ky gol, edhe pse nuk ka ndonjë vlerë, të kushtohet ty Davide”.

Lo so che è tardi lo so che ormai sei la.. ma sono convinto che la, in alto, oggi la guardavi con mio papà la partita ! Questo gol, anche se non vorrà dire niente, anche se non servirà a niente, lo dedico a te #davideastori #forzaitalia?? #grazieatuttivoi????

A post shared by Mario Balotelli???????? (@mb459) on May 28, 2018 at 2:54pm PDT

Në Instagram Baloteli ka pasur një mesazh edhe për një grup tifozësh, që me idiotësinë e zakonshme nuk kanë shijuar ndeshjen, por janë shpalosur një mesazh në tribunë: “Kapiteni im e ka gjakun italian”.

Përgjigja e sulmuesit, që mund të jetë kapiten i Italisë në të ardhmen, nuk ka vonuar: “Jemi në 2018 djema, mjaft! Zgjohuni, ju lutem!”.