Jasir Asani dhe Partizani, një “martesë” që rezultoi mjaft e goditur, pasi sulmuesi ka shkëlqyer në pak muaj në kampionatin shqiptar.
Tashmë, duke ndjekur gjurmët e Ylber Ramadanit, Asani shpreson të transferohet jashtë dhe duket se është i bindur se ka ardhur koha të largohet, edhe pse e pranon se së pari duhet të bisedojë me presidentin e Partizanit, Gaz Demin.
Vetë sulmuesi e bën të qartë se nuk do të pranojë të luajë në SHqipëri apo Maqedoni sezonin e ardhshëm.
“Kur shkova te Partizani nuk isha në formën maksimale dhe kalova tek ekipi i dytë derisa kapa formën më të mirë. Me ndihmën e të gjithëve e arrita. Kam bërë një sezon të shkëlqyer, tani është koha e transferimeve. Ka disa klube që janë pas meje, por do flas me presidentin për të ardhmen time. Do flas këto ditë.
“Oferta? Kam nga Shqipëria, Maqedoni, por edhe nga shtete të tjera. Në Maqedoni për momentin është e vështirë të kthehem. Do doja në Europë, në ndonjë ekip të madh. Duhet të flas njëherë me presidentin”.