Teuta dhe trajneri Bledi Shkëmbi nuk janë fshehur që nga nisja e kampionatit, teksa kanë hedhur kandidaturën e tyre për fitimin e Superiores. Përveç pjesës së kualiteteve në krahasim me ekipet e tjera pretendente, durrsakët çalojnë edhe nga një atmosferë më e ftohtë në stadium.
Pikërisht për këtë arsye, për ndeshjen e radhës ndaj Tiranës, është bërë edhe një video për të ftuar sportdashësit në stadium. Si asnjëherë më parë, teksa shkruhet qartësisht: “Të shtunën arsye nuk ka, të gjithë në stadium për Teutën tonë. Të gjitha rrugët të çojnë në “Niko Dovana”. Trajneri Shkëmbi e di më së miri rëndësinë e kësaj përballje, por njëkohësisht edhe motivimin që i jep lojtarit mbështetja e stadiumit. /Sport Ekspres/