Aleksandre Lakazet do të mungojë rreth 6 javë, pas një operacioni në gju, ka njoftuar Arsenali. Sulmuesi francez kishte nevojë për një ndërhyrje të vogël në gjurin e majtë, që është kryer me sukses sipas klubit londinez.
Dëmtimi i Lakazet vjen në një moment delikat për Arsenalin, që ka ndeshje të rëndësishme në kampionat, Europa League e kupë në javët e ardhshme.
Lakazet mund të mungojë në 7 ndeshje, duke përfshirë dy sfidat kundër Mançester Sitit, mes Kupës së Ligës e kampionatit.