Gardiani shqiptar, Etrit Berisha, është rikthyer sërish në Serinë A. Në sezonin që kaloi ky portier ishte pjesë e SPAL në Serinë B atje ku dëshmoi qartazi vlerat e tij që i përkisnin një tjetër niveli më të lartë.
Për shkak të problemeve edhe me COVID-19 nuk do të arrihej më herët marrëveshja që Berisha të kthehej në elitën e futbollit italian. Por në këtë merkato të verës nuk e ndal asgjë portierin shqiptar që të jetë pjesë e klubeve më të mira në Itali.
Torino ka arritur marrëveshjen me SPAL duke e blerë Berishën për 1 milionë euro. Nga ana tjetër vetë lojtari nënshkruan një marrëveshje 2-vjeçare ku do të përfitojë rreth 1 milionë euro në sezon. /Sport Ekspres/