UEFA ka vendosur t’i besojë arbitrave shqiptarë në kualifikueset e Kampionatit Europian. Juxhin Xhaja është përcaktuar arbitër kryesor në përballjen mes Lituanisë dhe Hungarisë. Hungarezët aktualisht udhëheqin grupin, por gjenden vetëm 3 pikë më shumë se Serbia e vendit të dytë.
Ndeshja luhet mbrëmjen e nesërme, duke nisur nga ora 20:45, në Lituani. Në rolin e ndihmësit të Xhajës, do të jenë dyshja Rojando Myftari dhe Rejdi Avdo. Ndërkaq, Olsion Yzeiraj do të kryejë funksionin e arbitrit të katërt./Halit Delibashi-Sport Ekspres/