Andi Lila është marrë nga Tirana për të dhënë kontributin e tij në këtë 100-vjetor të klubit, por ende nuk ka mundur. Kjo për shkak të një dëmtimi që e ka lënë gjatë jashtë fushës së blertë. Megjithatë situata duket më e mirë për Lilën, që pritet të kthehet në janar.
Më tepër cilësi përkëthehet kjo për kryeqytetasit, në misionin e tyre për të fituar titullin në Superiore. Ndërkohë në emisionin “Sport Neës Plus” që drejtohet nga ana e Daljana Sejdia, Andi Lila nuk ka lënë pa prekur Partizanin dhe çudinë e tij kur dëgjoj për marrjen e trajnerit të huaj.
“Kalova një dëmtim jo të lehtë. Tani jam mirë dhe besoj që në fazën përgatitore të muajit janar do të jem gati dhe do të jam kontrubitin tim në këtë 100-vjetor. Shpresoj që të dalim kampion. Në këtë periudhë nuk kam qenë shumë i përfshirë. Partizani bëri detyrën sot, kundër Luftëtarit.
Trajneri i Partizanit është problematik, lojtarët nuk ndihen mirë kur trajneri është konfliktual. Asani është në stol, konfliktet me Trashin gjithashtu. Jam i sigurt që Partizani do lerë pikë rrugës. Vjet futbollistët ishin grup me Gegën. Nëse nuk je grup, është e vështirë të ecësh para. Mendoj që Partizani ka probleme, duke lënë futbollistin më të mirë të kampionatit në stol.
Skuadrat e tjera do të përfitojnë në kjo situatë.U çudita kur dëgjova se Partizani kishte marrë trajner të huaj. Koha do ta tregojë. Gjithë ato vite që kishte marrë trajner të huaj kishte dështuar, ndërkohë kur mori trajner shqiptar, doli kampion”, ka thënë Lila. /Sport Ekspres/