U zbulua nga Kristian Panuçi, por në ndeshjen e radhës miqësore të kombëtares shqiptare Astrit Ajdareviç nuk do të jetë. Pikërisht në ditën kur emri i tij nuk figuronte te shkresat e italianit të kombëtares shqiptare, Astriti i përplas dygolëshin në fytyrë Kristian Panuçit.
Në takimin miqësor mes AEK-ut dhe Lamias e mbyllur me rezultatin 5-0, Ajdareviçi hapi serinë e golave në minutën e 2-të si dhe shënoi golin e tretë në minutën e 44-t të lojës. Kjo duket si një përgjigje edhe për trajnerin e kombëtares shqiptare, Panuçi, që zgjodhi ta linte mesfushorin e AEK-ut jashtë listës së Shqipërisë për ndeshjen ndaj Norvegjisë.