Në ditën e shtunë do të zhvillohet ndeshja mes Tiranës dhe Dinamos. Derbi do të jetë i vlefshëm për javën e 26 të Superiores, teksa të dy ekipet do të kërkojnë triumfin e tyre në tokën jashtë kryeqytetit. Kjo pasi Air Albania është duke u përgatitur për finalen e Conference League, ndërsa përballja e Superiores do të zhvendoset në Elbasan Arena. /Elio Hajdari-Sport Ekspres/
Luhet të Shtunën, 19/03/2022, ora 16:45, në stadiumin “Elbasan Arena”, Elbasan, ndeshja KF Tirana-KF Dinamo e vlefshme për javën e 26 (njëzetë e gjashtë) të kampionatit të kategorisë “Abissnet Superiore”. Ndeshja do të transmetohet live në Supersport HD