Largimi i Griezmann la një shije të hidhur tek tifozët, të cilët nuk besonin tek projekti i skuadrës pas largimit të Messit. Për të zëvendësuar Antoine Griezmann, Barcelona bleu Luuk De Jong në përfundim të merkatos së verës.
Lojtari i Sevillas iu bashkua skuadrës menjëherë dhe tashmë stërvitet nën fanellën e Barcelonës. Trajneri hollandez i katalanasve, Koeman deklaroi se Luuk De Jong është më i rrezikshëm sesa Neymar si qendërsulmues.
“Si qendërsulmues, Luuk është më i rrezikshëm se Neymar. Luuk është një sulmues i ndryshëm nga ata që kishim dhe mendoj se të gjitha skuadrat duhet ta kenë këtë lloj sulmuesi. Thjesht dua të kem mundësinë të ndryshoj mënyrën e lojës me sulmuesit e mi. “- u shpreh Koeman. /Elio Hajdari-Sport Ekspres/