Lojtari i Lazios, Correa është tashmë pjesë e kampionëve të Italisë, Interit. Argjentinasi arriti me avion privat në Milano për të kryer testet mjekësore. Të gjitha testet dolën sipas planit dhe më pas Correa nënshkroi kontratën e re me skuadrën zikaltër.
Correa i kushtoi Interit 31 milionë euro, megjithatë kjo pagesë do të kryhet me këste për 5 vjet. 27 vjeçari ishte i lidhur gjatë gjithë merkatos me një transferim tek Evertoni, por lidhja mes tij dhe trajnerit Inzaghi ishte e fortë. /Elio Hajdari-Sport Ekspres/