Sevilja e Vinçenco Montelës mund Atletiko Madridin 3-1 në ndeshjen e kthimit të Kupës së Mbretit dhe fluturon në gjysmëfinale. Padronët e shtëpisë kalojnë në avantazh pas vetëm një minute me Eskuderon. Atletiko (që në ndeshjen e vajtjes kishte humbur me rezultatin 2-1), barazon me Grizmanin por Sevilja e gjen veten në avantazh me Banegën, që në fillim të pjesës së dytë shënon me penallti.
“Colchoneros” kërkojnë barazimin, por ekipi i Montelës shënon. Këtë herë është Sanabria ai që e çon ndeshjen në 3-1. Për ish-trajnerin e Milanit, fitorja e tretë radhazi dhe paqja e rivendosur me tifozët, pas kontestimeve. Sakaq, për Atletikon dhe Simeonen, ndoshta koha për të reflektuar dhe menduar se nga sezoni tjetër, shumë gjëra duhet të ndryshojnë.