Humbje e madhe për Shqipërinë. Mesfushori i kombëtares kuqezi, Amir Abrashi, do të qëndrojë 4 javë larg fushave të blerta pas dëmtimit të pësuar dje në ndeshjen e Bundesligës mes Bajer Leverkusenit dhe Frajburgut.
Abrashi la fushën duke çaluar pas 28 minutash, ndërsa mjekët kanë bërë me dije se flitet për këputje të ligamentit të jashtëm dhe të brendshëm të kyçit. 27-vjeçari nuk do të jetë në shërbim të trajnerit Kristian Panuçi për ndeshjet e tetorit ndaj Spanjës dhe Italisë.