Lamin Jamali nuk fshihet, por orej disa kohësh po shpreh hapur pretendimin e tij për të fituar ‘Topin e Artë’. Në një intervistë të dhënë së fundmi për “L’Equipe”, ai ka renditur arsyet pse beson se trofeu duhet të përfundojë në duart e tij. Jamali ka thënë se stili i tij i lojës e veçon nga të tjerët dhe se golat nuk janë kriteri që duhet të përcaktojë fituesin e Topit të Artë.
“Ky është trofeu që shpërblen lojtarin më të mirë të vitit, lojtarin që është i veçantë, atë që të pëlqen ta shohësh. Aq sa do të ndiqje një ndeshje vetëm për hir të tij. Nuk ka të bëjë aspak me numrin e golave ??që shënon apo me ndonjë gjë tjetër. Kur mendoj për ‘Topin e Artë’, mendoj për Mesin, Ronaldinjon, lojtarë si ata, të cilët janë të veçantë dhe të bëjnë të buzëqeshësh kur i sheh duke luajtur.
Besoj se kushdo që e ndjek futbollin i di arsyet e mia. Dal në fushë, kënaqem, luaj mirë dhe ashtu siç dua unë. Për fat të mirë, kam fituar edhe shumë tituj me Barçën dhe kam fituar titullin më të rëndësishëm, Kupën e Botës, me Kombëtaren time. Përtej kësaj, besoj se stili im i lojës është pika ime e fortë. Është ai që më veçon nga të tjerët”, ëzhtë shprehur Lamin Jamali /Sport Ekspres/