Ardon Jashari ka dhënë një intervistë për “Sport Mediaset” -in. Mesfushori shqiptar ka folur për duelin e nesërm kundër Juventusit, që nis në orën 20:45. Jashari është shprehur se e njeh mirë rëndësinë e kësaj sfide, ndërsa nuk e mohon faktin se do të ishte e mrekullueshme nëse goli i tij i parë me fanellën kuqezi do të vinte pikërisht përballë “Zonjës së Vjetër”.
“Ai është një trajner i ri dhe që nga dita e parë që u ktheva nga pushimet me ekipin, ai solli një energji të re. Për të gjithë skuadrën, por po mendoj edhe për të gjithë mjedisin dhe të gjithë njerëzit që punojnë këtu. Ne mund ta ndiejmë këtë si lojtarë. E ndiejmë se është diçka e re, e ndryshme dhe që po shkon në drejtimin e duhur.
A është Juventus-Milan një provë për të kuptuar potencialin e Milanit të ri?
Po, sigurisht. E kuptova edhe sezonin e kaluar sa të rëndësishme janë këto ndeshje. Sigurisht që edhe të tjerat janë, çdo ndeshje duhet të fitohet, por në këto lloj ndeshjesh i dëgjon tifozët, historinë pas tyre… ata janë të ndryshëm. Do të jetë thelbësore të përgatitemi sa më mirë që të mundemi për një ndeshje të madhe. Na ndihmon të tregojmë se ku qëndrojmë me stilin tonë të lojës.
Oferta nga Juventusi në verë? Të them të drejtën, isha me pushime në atë kohë, fillimisht në Kupën e Botës dhe më pas. Kur situata në lidhje me trajnerin e ri u sqarua, fola me të. Dëshira dhe qëllimi im i vetëm është të arrij nivelin tim më të lartë në këtë klub. Do të bëj gjithçka që mundem për këtë. Nuk kam menduar për pjesën tjetër.
Të shënoj kundër Juventusit? Do të ishte fantastike! Pata një shans javën e kaluar, por koha nuk ishte e duhur. Mezi pres të shënoj golin tim të parë dhe do të ishte e mrekullueshme nëse do të ndodhte në një ndeshje kaq të rëndësishme”, ka deklaruar Ardon Jashari./Sport Ekspres/