Portieri i Belgjikës, Thibaut Courtois, ka lënë të hapur të ardhmen e tij me kombëtaren pas eliminimit në çerekfinalet e Kupës së Botës 2026 ndaj Spanjës. Gardiani i Real Madridit u detyrua të largohej nga fusha i dëmtuar gjatë pjesës së dytë, ndërsa më pas pranoi se do të marrë kohë për të vendosur nëse do të vazhdojë apo jo të përfaqësojë “Djajtë e Kuq”.
34-vjeçari theksoi se trupi i tij ka kaluar shumë sfida gjatë viteve të fundit dhe se pas një karriere të gjatë në nivelin më të lartë, duhet të vlerësojë me kujdes gjendjen fizike dhe motivimin për ciklin e ardhshëm. Ai nuk e përjashtoi rikthimin, por as nuk dha garanci se do të jetë pjesë e Belgjikës në ndeshjet e ardhshme.
Deklaratat e Courtois kanë shtuar dyshimet mbi vazhdimësinë e tij me kombëtaren belge, ndërsa tifozët e kanë quajtur si skandal kushtin e vendosur prej tij. “Dua të pushoj deri në fund të vitit pa luajtur për Belgjikën. Ndeshjet e Ligës së Kombeve janë të radhës, gjë që nuk është aq e rëndësishme. Do të kthehesha për kualifikimet për Kampionatin Evropian dhe për paraqitjen në Kampionatin Evropian në vitin 2028”, tha Courtois dhe shtoi. “Ky është plani. Thjesht nuk e di nëse Federata do të pajtohet me të. Nëse jo, atëherë sonte do të ishte ndeshja ime e fundit për Belgjikën”. /Sport Ekspres/