Një situatë e pazakontë për Pep Guardiolën. Për herë të parë në karrierë një ekip i drejtuar prej tij merr humbjen e 5 radhazi. Mançester Siti u mposht sot me shifrat e thella 0-4, por trajneri katalanas nuk e humb besimin. Ai ka thënë për “BBC”-në se do ta kalojë këtë situatë, pavarësisht se nuk e ka përjetuar kurrë më parë.
“Në 8 vite, kurrë nuk e kemi përjetuar këtë lloj situate. Tani duhet ta jetojmë atë dhe duhet ta thyejmë duke fituar në ndeshjet e tjera. Sidomos ndeshjen e radhës. Ne do të rikthehemi. Do ta bëjmë”, ka deklaruar Pep Guardiola./Sport Ekspres/