Pas Spanjës, Francës dhe Anglisë, në gjysmëfinale kaloi edhe Holanda. Edhe pse kombëtarja turke kaloi në epërsi e para, holandezët arritën në një fitore të madhe me një kthesë dhe do të përballen të mërkurën me anglezët.
Tifozët në Turqi janë dukshëm të trishtuar, por aspak të zhgënjyer. Ata janë të kënaqur me paraqitjen e lojtarëve të tyre, janë krenarë, por pendohen që nuk do të luajnë në gjysmëfinale. Arda Guler ka impresionuar me fanellën e Turqisë. Ai është padyshim një nga ata lojtarë që ndoshta ishte një nga befasitë më të bukura. Lojtari i Realit drejtoi skuadrën e tij dhe me disa lëvizje tregoi pse u bë yll dhe një nga lojtarët kryesorë të Turqisë në moshë kaq të hershme.
Pas përfundimit të ndeshjes, lojtarët turq janë përlotur. Arda i ri nuk duroi dot dhe derdhi lot, por askush nuk qau si Hakan Calhanoglu. Mesfushori me përvojë i Interit e pati të vështirë të përballonte humbjen.
Dhe më pas në skenë ka hyrë Arda Guler. Edhe pse është vetëm 19 vjeç, ai e kuptoi se është ai që duhet të inkurajojë bashkë lojtarët. Shkoi nga njëri te tjetri, i përshëndeti, i përqafoi, u tha të ngrinin kokën dhe se duhet të jenë krenarë për atë që kanë bërë si sonte ashtu edhe në ndeshjet e mëparshme.
“Ai fëmijë tashmë është bërë lider. E pabesueshme”, lexohej në rrjetin social “Tëitter”, ku tifozët turq ndajnë klipe dhe foto nga ndeshja dhe sigurisht gjejnë gjëra pozitive. /Elio Hajdari-Sport Ekspres/