Karabaku është duke zhvilluar një takim miqësor kundër CSKA-së së Sofies. Klubi azer është duke udhëhequr me rezultatin 1-0 falë golit të shënuar nga Redon Xhixha. Sulmuesi shqiptar po bën mirë në këtë fazë përgatitore, ku po përpiqet të bindë trajnerin për një fanellë titullari në sezonin e ardhshëm.
Ish-lojtari i Tiranës ka zotëruar një top në zonën kundërshtare, nga ku është treguar i pagabueshëm. Xhixha ndalon fillimisht topin dhe më pas godet me të majtën e tij, duke e ndalur sferën në rrjetë./Halit Delibashi-Sport Ekspres/